STORY: My First Tagalog Short Story 5

At the Library
Noong Miyerkules, nasa library kami ni Joanna na naghahanap ng mga libro para masagutan ang aming takda sa Rizal. Natutuwa ako sa klaseng iyon dahil kahit ilang beses pa namin pag-aralan ang buhay ni Rizal at ang kanyang mga naisulat, laging may bago. Noong high school, dalawang taon kong pinagdaanan ang Noli Me Tangere at El Filibusterismo at ngayong kolehiyo, binabalikan ko iyon. Bagamat iisa ang kwentong inaaral ko noon at ngayon, magkaiba na ang pagkakaintindi ko. Marahil dahil mas malawak na ang aking kaalaman, marahil dahil magkaiba ang pagkakaintindi ng guro ko noon at ngayon o marahil dahil sadyang ito lang ang hiwaga ng pagsulat. Ito ang dahilan kung bakit mahal ko ang pagsusulat. Walang naluluma, walang panget, walang iisang interpretasyon. Ang naisulat noon ay maaring iba na ang kahulugan sa kasalukuyan. Ang panget na kwento para sa isa ay maaaring maganda para sa iba. Ang malungkot na pagtatapos para isa ay maaaring isang masayang wakas para sa iba. Habang binabalikan ko ang mga dahilan kung bakit nga ba pinapangarap ko maging manunulat, napagtanto ko na ito na ang panahon na maging katotohanan na iyon. Kinalabit ko si Joanna at napangiti siya. Nagkaintindihan na kami. Magsusulat na ako.

No comments: