STORY: My First Tagalog Short Story 6



Noong Huwebes, tinulungan ako ni Joanna na ayusin lahat ng requirements para sa contest. Kailangan magpasa ng application form, certificate na enrolled ako sa isang kolehiyo sa Metro Manila, at written consent ng paaralan na pinapayagan akong sumali sa nasabing contest. Inalam din namin ang kabuuang mechanics ng contest. Pinuntahan namin yung website na nakalagay sa patalastas sa dyaryo upang makita ang kabuuang detalye. Nalaman namin na kailangan ng mga manlalahok na gumawa ng maikling kwento na maaaring gawin bago pa ang araw ng contest. Walang temang ibinigay, malaya ang manunulat magsulat tungkol sa anumang paksa. Ngunit, mayroong mga salita at ideya na ibibigay sa mismong araw ng contest na kailangan maisama sa kwento. Kailangan ng mabilisang pag-iisip dahil magaganap ang contest sa loob lamang ng isang oras. Natakot ako bigla at nakita ito ni Joanna sa aking reaksyon pagkabasa ko ng mechanics. Sinabi niya sa akin, “Natakot ka, noh?” Tumango ako dahil alam kong hindi ko kaya gumawa ng may hinahabol na oras. “Hindi madali abutin ang mga pangarap, noh. Kung madali, di lahat tayo ngayon si
Selena Gomez na.” Natawa ako sa sinabi niya pero hindi pa din nawala ang pangamba ko na baka mapahiya lang ako sa pagpasok sa contest. Patuloy akong kinumbinsi ni Joanna na sumali at nakumbinsi naman nya ako. Sa lahat naman ng mga kaibigan na meron, napunta pa sa akin yung ubod ng kulit… at nagpapasalamat ako doon.

No comments: