STORY: My First Tagalog Short Story 7

Noong Biyernes, nagsimula na ako maghanap ng paksa na pwedeng isulat. Pinilit kong maging deep tulad ng mga manunulat sa mga pelikula na uupo sa gitna ng park at titig sa kawalan. Sa mga pelikula, magkakaroon ng voice-over ng mga bigating mga salita tungkol sa kanilang mga nakita na kung titignan mo naman ay batang nadapa, asong slow motion na naglalakad at mga dahon na nahuhulog sa maduming kalye lamang. Sa kasamaang palad, mayroong akong pasok sa araw na ito kaya minabuti ko na lang magmunimuni sa canteen ng paaralan habang lunch break. Mayroon din namang mga dahon na nahuhulog sa semento, may mga batang nagtatakbuhan na iniimagine kong slow motion na naglalakad para mas dramatic at mayroong pusa sa halip na aso na naglalakad sa campus. Kahit anong pilit ko, wala talagang voice-over ng mga bigating salita. Ang meron sound effect ng mga kuliglig. Natapos ang lunch break at bumalik ako sa klase ng walang napala. Blanko pa din ako, blanko.

Being DEEP.

No comments: