STORY: My First Tagalog Short Story 9

Photo from Google

Linggo na ng hapon pagkatapos ko magtanghalian. Nakatitig ako sa screen ng laptop ko at tila blanko pa din ito. Nawawalan na talaga ako ng pag-asa. Bukas na ang contest at wala pa din akong nasisimulan. Tinawagan ko si Joanna sa bahay nila pero umalis pala silang mag-anak. Umidlip ako sa sandali at baka sa panaginip ako makahanap ng inspirasyon. Nagising ako ng alas tres ng hapon at nagsimba kasama ng kapatid ko. Maaga kami dumating kaya nakapagdasal muna ako bago ang misa. Naluhod ako habang ang nakakababata kong kapatid ay naglaro muna sa patio ng simbahan. Nagdasal ako ng taimtim sa Diyos na bigyan niya ako ng inspirasyon. Hiningi ko na bigyan niya ako ng isusulat para sa contest ko bukas. Todo pikit pa ako ng mata kaya sumakit ito matapos ang ilang minuto kaya minabuti ko na lang na buksan ito at tignan ang altar. Napansin ko ang mga detalye ng gintong altar. Alam kong ginto lamang ang pintura nito ngunit pag natatapatan ito ng liwanag, para na rin siyang kumikinang. Di ko nanaman namalayan na unti unti ng napuno ang simbahan at tumunog na ang kampana bilang paghudyat ng pagsimula ng misa. Noong pauwi na kami ng kapatid ko, sinabi ko sa sarili ko, “Bahala na si Batman.” At dahil doon, pagkatapos ko maghapunan, nahiga na lang ako sa kama ko at tumititig sa kisame. Blanko ang nakita ko gawa ng kadiliman. Inisip ko kung bakit pa ba ako sumali sa contest na isang oras lamang ang binibigay para magsulat gayong isang linggo na ako nagiisip at wala pa rin nangyayari. Inalala ko ang buong linggo at inalala kung paano ba ako nakarating sa puntong ito. Napaupo ako at napangiti. Binuksan ko ang laptop ko at nagtype hanggang maghating gabi. Natulog ako… hindi na blanko.

Read Part 10 here

No comments: